Պրահայում պահանջել են չեղարկել Ռուսաստանի դեմ պատժամիջոցները
Հազարավոր ցուցարարներ դուրս են եկել Պրահայի փողոցներ՝ դատապարտելու Չեխիայի կառավարության գործողությունները՝ ուղղված էներգետիկ ճգնաժամի կարգավորմանն ու Ուկրաինային աջակցելուն։ Այս մասին գրում է euronews-ը։
Ցուցարարները պահանջել են պահպանողական վարչապետ Պետր Ֆիալայի գլխավորած կառավարության հրաժարականը։
Ակցիան անցկացվել է «Առաջին հերթին՝ Չեխիայի Հանրապետությունը» կարգախոսի ներքո։
Ցուցարարները դեմ են արտահայտվել հակառուսական պատժամիջոցներին, Չեխիայի անդամակցությանը ԵՄ-ին և ՆԱՏՕ-ին, ինչպես նաև պահանջել են ավելի մեծ օգնություն էներգակիրների գների կտրուկ աճից տուժածներին:
