Ուկրաինայի շուրջ ստեղծված իրավիճակի վերաբերյալ վերջին 10 օրվա զարգացումների ամփոփ. «Հենակետ»
«Հենակետ» վերլուծական կենտրոնը ամփոփել է Ուկրաինայի շուրջ ստեղծված իրավիճակի վերաբերյալ վերջին 10 օրվա զարգացումները:
Ռազմական իրադրություն
- Ուկրաինայի նախագահ Վլադիմիր Զելենսկին հաստատել է Ուկրաինայի Զինված ուժերի ստորաբաժանումների հեռացումը Լիսիչանսկից: Զելենսկու խոսքով՝ արևմտյան սպառազինություն ստանալուց հետո ուկրաինացի զինվորականները կվերադառնան:
- Ուկրաինայի պաշտպանության նախարարության հետախուզության գլխավոր վարչության հատուկ ստորաբաժանումներից մեկի միանգամից 6 զինծառայող է սպանվել հունիսի 28-ին ռուս զինվորականների դիրքերի վրա անհաջող հարձակման հետևանքով:
- Ուկրաինացի ռազմական փորձագետ Սերգեյ Զգուրեցը նշել է, որ Սևերոդոնեցկն ու Լիսիչանսկը ռազմավարական նշանակություն չունեն, այդ պատճառով էլ թողնվել են ուկրաինացի զինվորականների կողմից։ Ավելի վաղ Ուկրաինայի նախագահի գրասենյակի ղեկավարի խորհրդական Ալեքսեյ Օրեստովիչը հայտարարել էր, որ թողնված Լիսիչանսկը հատուկ նշանակություն չուներ Ուկրաինայի ԶՈւ-ի համար:
- Ֆրանսիական ԶԼՄ-ները հայտնում են Ուկրաինայում երկրորդ ֆրանսիացի վարձկանի զոհվելու մասին: Ըստ տեղեկությունների՝ մոտ 50 մարդ է մեկնել Ուկրաինա մարտական գործողություններին մասնակցելու համար։
- Լիտվան Ուկրաինային է փոխանցել Bayraktar TB2 հարվածային անօդաչու թռչող սարքը, որը թուրքական Baykar Makina ընկերությունը անվճար էր տրամադրել, չնայած սարքի գնման համար հավաքված միջոցներին:
- Ռուսաստանի պաշտպանության նախարար, բանակի գեներալ Սերգեյ Շոյգուն հայտարարել է, որ «վերջին 10 օրվա ընթացքում Ուկրաինայում ոչնչացվել է 170 օտարերկրյա վարձկաններ, 99-ը հրաժարվել է մասնակցել ռազմական գործողություններին և լքել երկիրը: Արևմուտքը Ուկրաինայի հակամարտությունը ձգձգելու հույսով շարունակում է Կիևին սպառազինության լայնածավալ մատակարարումները, արդեն առաքվել է ավելի քան 28 հազար տոննա ռազմական բեռ։ Արևմուտքի կողմից Ուկրաինային մատակարարվող սպառազինության մի մասը գնում է Մերձավոր Արևելք, ինչպես նաև մտնում սև շուկա։ Սև և Ազովի ծովերում նավագնացության անվտանգության համար 2 միջանցք է ստեղծվել նավերի համար, ամբողջովին վերացվել է Մարիուպոլի նավահանգստում ականապատման վտանգը: Ներկայում ԴԺՀ-ում և ԼԺՀ-ում ստուգվել է ավելի քան 3,7 հազար հեկտար տարածք, հայտնաբերվել և վնասազերծվել է 46379 պայթուցիկ առարկա: Զորակոչիկներին չեն ուղարկում հատուկ գործողության անցկացման գոտի։ Այս տարի կավարտվեն Սու-57 կործանիչների համար «օդ-օդ» հրթիռների պետական փորձարկումները և կսկսվեն սերիական մատակարարումները։ Նոր հրթիռները թույլ կտան Սու-57 կործանիչներին խոցել փոքրաչափ «ստելս» թիրախները»։
- Առնվազն 5 պայթյուն է գրանցվել Խմելնիցկի մարզում։ Հրթիռային հարվածներն ընթանում են Ուկրաինայի գրեթե ողջ տարածքում։
- Ռուսական RaHDlt հաքերների խումբը հրապարակել է Ուկրաինայի պաշտպանության նախարարության հետախուզության գլխավոր վարչության հազարավոր աշխատակիցների տվյալներ: RaHDlt-ի տեղեկություններով՝ հրապարակվել են Լեհաստանում, Հունգարիայում, Բուլղարիայում, Սլովակիայում Ուկրաինական հետախուզական գործունեության կուրատորների, ինչպես նաև ՌԴ-ում, Հնդկաստանում, Ավստրիայում, Վիետնամում, ՀԱՀ-ում, Իտալիայում, Թուրքիայում և Իրանում Ուկրաինայի դեսպանատների տվյալները:
- ՌԴ ՊՆ-ն հայտնել է, որ ռուս զինվորականները ոչնչացրել են երկու միավոր ամերիկյան արտադրության HIMARS համազարկային կրակի ռեակտիվ կայան և դրանց զինամթերքի երկու պահեստ: Ավելի վաղ Ուկրաինայի պաշտպանության նախարար Ալեքսեյ Ռեզնիկովը հայտարարել էր, որ ԱՄՆ-ն Կիևին է փոխանցել HIMARS-ի հենց երկու ՀԿՌՀ։
- Ուկրաինայի ազգային անվտանգության և պաշտպանության խորհրդի ղեկավար Ալեքսեյ Դանիլովը հայտարարել է, որ ԱՄՆ-ն այս պահին Կիևին է փոխանցել HIMARS ՀԿՌՀ-ի 9 հրթիռային համակարգ:
- Նիկոլաևսկի մարզում ռուսական Սու-35 կործանիչը օդային մարտում խոցել է Ուկրաինայի ռազմաօդային ուժերի երկու ՄԻ-24 հարվածային ուղղաթիռ և մեկ Սու-25 գրոհային ինքնաթիռ:
- Ուկրաինայի նախագահ Վլադիմիր Զելենսկին հայտարարել է, որ այլևս չի սպասում արևմտյան գործընկերներից ավիացիայի մատակարարումներին: Ընդ որում ՝ պահպանվում Է ՀՕՊ համակարգեր ստանալու հույսը։
- ՌԴ օդատիեզերական ուժերը օդում խոցել են ՄիԳ-29 կործանիչը և Ուկրաինայի օդուժի Սու-25 գրոհիչը:
- Գերմանիան հրաժարվել է Ուկրաինային փոխանցել Fuchs զրահամեքենաներ, որպեսզի չնվազեցնի սեփական պաշտպանունակությունը։
- Մոլդովայի նախկին նախագահ Իգոր Դոդոնը չի բացառել, որ երկրի իշխանություններն ապահովում են Ուկրաինայի տարածքով արևմտյան զենքի մատակարարումը այն բեռնատարներով, որոնք ենթակա չեն զննման:
- Ուկրաինայի պետական սահմանապահ ծառայությունը գրեթե 1 մլն եվրոյի անհատական զրահապաշտպան միջոցներ է ստացել Եվրամիությունից:
- Վաշինգտոնը 400 մլն դոլարի ռազմական օգնության նոր փաթեթի շրջանակներում Ուկրաինային կփոխանցի HIMARS-ի լրացուցիչ ՀԿՌՀ-ներ, որոնց թիվը կհասնի 12-ի: Մատակարարումների մեջ կներառվեն 4 միավոր HIMARS ՀԿՌՀ և դրանց զինամթերքը, «բարձրճշգրիտության» 155 մմ հրետանու 1000 արկ, տակտիկական ավտոմեքենաներ:
- Ուկրաինայի պաշտպանության նախարար Ալեքսեյ Ռեզնիկովը հայտարարել է, որ իսրայելական “Երկաթե գմբեթ” ԶՀՀ-ն, որն ավելի վաղ ցանկանում էր գնել Կիևը, հարմար չէ ԶՈՒ-ի համար, քանի որ նախատեսված չէ թևավոր և բալիստիկ հրթիռների կալանման համար:
- Պենտագոնը կադրային սպաների խումբ է ուղարկել Ուկրաինա՝ ԶՈւ-ին փոխանցված ՀԿՌՀ-ների, այդ թվում՝ HIMARS-ի արդյունավետ կիրառման վերահսկողության համար։ Նրանք կատարում են մի շարք առանցքային խնդիրներ, ներառյալ արբանյակների կողմից ստացված հետախուզական տեղեկատվության իրականացման համակարգումը և ճշգրիտ կոորդինատների բեռնումը PCB ծրագրային ապահովման մեջ: Հենց այդ գործոնն է թույլ տալիս ԶՈՒ-ին բարձր ճշգրտությամբ հարվածներ հասցնել դաշնակից ուժերի օբյեկտներին ։
- ՌԴ ՊՆ-ն հայտնում է, որ Ուկրաինայում ռազմական գործողությունների սկզբից մինչ օրս ոչնչացվել է ուկրաինական զինուժի 243 միավոր ինքնաթիռներ, 137 ուղղաթիռներ, 1506 միավոր ԱԹՍ-ներ, 354 միավոր ԶՀՀ-ներ, 4020 միավոր տանկեր և այլն զրահամեքենաներ, 741 միավոր ՀԿՌՀ-ներ, 3132 միավոր հրետանային միջոցներ և ակնանետներ։
- ՌԴ ՊՆ-ն հայտնում է Օդեսայի մարզում Harpoon հականավային հրթիռների արձակման կայանքների ոչնչացման մասին: Թիրախին հարված է հասցվել «Իսկանդեր»-ով։
- Իսպանիայի պաշտպանության նախարարությունը բաց է Ուկրաինային 10 միավոր «Leopard 2A4» մարտական տանկ և 20 միավոր «M113» զրահամեքենա փոխանցելու շուրջ բանակցությունների համար:
- Վլադիմիր Զելենսկին հայտարարել է, որ Լեհաստանի պաշտպանության նախարար Մարիուշ Բլաշչակն Ուկրաինա Է բերել Krab ինքնագնաց հաուբիցներ։
- Ուկրաինայի զինուժը հրետակոծել է Լուգանսկը՝ կիրառելով «Տոչկա-Ու» և ամերիկյան «HIMARS» հրթիռներ։
Բանակցային գործընթաց
- Արևմտյան երկրները ցանկանում են Ուկրաինայի հաղթանակը Ռուսաստանի նկատմամբ մարտի դաշտում և Նման մոտեցմամբ Կիևին թույլ չեն տալիս անցնել խաղաղ բանակցությունների: Այդ մասին հայտարարել է ՌԴ արտգործնախարար Սերգեյ Լավրովը և հավելել՝ «Եթե Արևմուտքը ցանկանում է ոչ թե բանակցություններ, այլ Ուկրաինայի հաղթանակը Ռուսաստանի նկատմամբ մարտի դաշտում, ապա այդ ժամանակ պարզապես ոչինչ չի մնում խոսել Արևմուտքի հետ, որովհետև նա իր այդ մոտեցումներով, ըստ էության, թույլ չի տալիս Ուկրաինային անցնել խաղաղ գործընթաց»։
- Ուկրաինայի նախագահի աշխատակզմի ղեկավարի խորհրդական Միխաիլ Պոդոլյակը հայտարարել է, որ գերմանացի մտավորականները, որոնք Արևմուտքին կոչ են արել Ուկրաինային «խաղաղության» բանակցությունների ՌԴ-ի հետ, չեն հասկանում պատերազմի բնույթը, որը մեր դեմ սանձազերծել է Ռուսաստանը: «Սա պատերազմ չէ մի կտոր տարածքի համար, ինչ-որ ռեսուրսներ ունենալու կամ, այսպես ասենք, հանրապետություններին միանալու հնարավորության համար, որոնց մասին խոսում է ՌԴ-ն։ Սա պատերազմ է Ռուսաստանի իրավունքի համար, որ թելադրի իր պայմաններն ու կանոնները»։
- Ռուսաստանը պատրաստ է շարունակել Ուկրաինայի հետ բանակցային գործընթացը՝ պատշաճ հաշվի առնելով ռուսական դիրքորոշմումը։ Հայտարարել է ՌԴ ԱԳՆ միջազգային կազմակերպությունների դեպարտամենտի տնօրեն Պյոտր Իլիչևը և հավելել՝ «Այս տարվա ապրիլի 15-ի մեր շտկումներին ուկրաինացի գործընկերներն այդպես էլ պատասխան չտվեցին։ Մեր հերթին, մենք պատրաստ ենք շարունակել գործընթացը։ Իհարկե, ռուսական դիրքորոշումը պատշաճ հաշվի առնելու դեպքում»։
Արտաքին քաղաքական իրադրություն
- Մեծ Բրիտանիան մտադիր է առգրավել այն ակտիվները, որոնք պատկանում են ՌԴ քաղաքացիներին, և դրանք փոխանցել Ուկրաինային:
- Գերմանիայի կանցլեր Օլաֆ Շոլցը հայտարարել է, որ Գերմանիան պատրաստ է Ուկրաինային «անվտանգության երաշխիքներ» տալ, դրանց տրամադրման կարգը ներկայում քննարկվում է G7-ի շրջանակներում։
- Ուկրաինայի արտաքին գործերի նախարար Դմիտրի Կուլեբան դիմել է իտալական իշխանություններին՝ խնդրելով կարճ ժամկետում տրամադրել 18-60 տարեկան արական սեռի բոլոր ուկրաինացի քաղաքացիների ցուցակները, որոնք չունեն հաշմանդամություն կամ զինվորական ծառայությունից բժշկական
- Էստոնիան մինչև տարեվերջ Ուկրաինայի վերականգնման համար գրեթե 2 մլն եվրո կհատկացնի: Լիտվան լրացուցիչ 10 մլն եվրո կհատկացնի Ուկրաինայի Ազգային Բանկին։ Լատվիան «պատրաստ և վճռական է՝ մասնակցելու Ուկրաինայի վերականգնմանը»:
- ՌԴ ԱԳՆ-ում հայտարարել են, որ Վաշինգտոնի խնդրանքն են ստացել Ուկրաինայում ձերբակալված ամերիկացի վարձկաններին ճանաչել կոմբատանտներ, այսինքն՝ մարտական գործողությունների անմիջական մասնակիցներ:
- Ռուսաստանի և Թուրքիայի նախագահները հեռախոսով քննարկել են Ուկրաինայի իրադրությունը և «հացահատիկային միջանցքի» ստեղծումը:
- Ֆրանսիան սահմանափակում է Ուկրաինայից փախստականների ընդունումը՝ դարձնելով օրական մինչև 10 մարդ։
- 2022 թվականի ամառը հագեցած էր ռուս-մոնղոլական հարաբերությունների զարգացման տեսանկյունից։ Հուլիսի 5-ին Ուլան Բատոր է այցելել ՌԴ ԱԳ նախարար Սերգեյ Լավրովը, իսկ հաջորդ ամսվա սկիզբ կմեկնարկեն համատեղ զորավարժությունները:
- Էստոնիայի պաշտպանության ուժերը Ռուսաստանի հետ պատերազմի դեպքում տրանսպորտային միջոցները կբռնագրավեն բնակչությունից։
- Եվրոպական տիեզերական գործակալությունը հայտնել է, որ ամբողջովին դադարեցնում է համագործակցությունը «Ռոսկոսմոսի» հետ, Մարս մոլորակի վրա իրականացվող «ExoMars-2022» ծրագրի շրջանակներում:
- Գերմանիան և Սլովակիան համաձայնության են եկել Ուկրաինային խորհրդային ՀՄՄ-ների արագացված մատակարարումների շուրջ, որի փոխարեն Բրատիսլավան Բեռլինից Boxer ՀՄՄ կստանա։
Ներքին զարգացումներ
- Տեղահանված անձանց հաշվառումը կանոնակարգելու նպատակով ԶՈւ գլխավոր շտաբի կողմից մշակվել է զորահավաք հայտարարելու պահից և պատերազմական ժամանակաշրջանում բնակության (գտնվելու վայրի) վայրից (բնակության վայրից) դուրս գալու և Ուկրաինայի քաղաքացիներին ռազմական հաշվառման մեջ գտնվող քաղաքացիների թույլտվության տրամադրման կարգը: Թույլտվությունը տրվում է 30 օրից մինչև մեկ տարի՝ կախված սուբյեկտի կատեգորիայից:
- Ուկրաինայի ԶՈւ գլխավոր հրամանատարի հանձնարարականի մասին արված Զալուժնիի «արտահոսքը» զորահավաքի ենթակա անձանց վերաբերյալ նախաձեռնվել է Ուկրաինայի նախագահի գրասենյակի կողմից՝ զինվորականների և քաղաքական կենտրոնի միջև շարունակվող պայքարի շրջանակներում։ Ըստ աղբյուրի, արդեն պատրաստվում են չեղարկել այդ կարգադրությունը և Զալուժնիի վարկաբեկման համար «քեյսեր»-ը, որին աջակցում է ԱՄՆ-ը:
- Ուկրաինայի նախագահ Վլադիմիր Զելենսկին Գլխավոր շտաբին հրամայել է չեղարկել իրենց բնակության վայրերից երկրի քաղաքացիների դուրս գալու «թույլատրող» կարգը:
- Ուկրաինայի պաշտպանության նախարար Ալեքսեյ Ռեզնիկովը նշել է երկրի այն քաղաքացիների թիվը, որոնք այժմ գտնվում են ուժային կառույցների շարքերում: Այս պահին մոբիլիզացված է մինչև 700 հազար մարդ, 60 հազար սահմանապահ, շուրջ 90 հազար Ազգային գվարդիական և 100 հազար Ազգային ոստիկանության շարքերում:
- Ուկրաինայի պաշտպանության նախարարությունը խնդրում է քաղաքացիներին լքել երկրի հարավում Ռուսաստանի վերահսկողության տակ գտնվող տարածքները՝ հակահարձակման մեկնարկի պլանների պատճառով, որի ժամանակային շրջանակներն անհայտ են:
Միջազգային մամուլ
- «The Telegraph» պարբերականը գրում է. «Արևմուտքի երկրներն աստիճանաբար գալիս են այն կարծիքին, որ Ուկրաինային զենքով աջակցելն այլևս անիմաստ է։ Մատակարարումները մշտապես ընթանում են, բայց դա ոչ մի կերպ չի ազդում ՌԴ ԶՈՒ առաջխաղացման վրա։ Ուկրաինան մեծ մարդկային կորուստներ է կրում պատերազմի ընթացքում, իսկ զենքն առանց մարդկանց չի աշխատում։ Աշնանը Կիևի արևմտյան գործընկերները կարող են դադարեցնել ռազմական օգնությունը։
- «NBC» հեռուստաալիքը՝ վկայակոչելով ժողովրդավարության աջակցության ազգային հիմնադրամի, ամերիկյան ոչ առևտրային կազմակերպության վերլուծաբաններին, առաջարկում է Ուկրաինային հին խորհրդային սպառազինություն մատակարարել նախկին Վարշավյան դաշինքի երկրներից: Փորձագետների կարծիքով՝ ՆԱՏՕ-ի ստանդարտի զենքի հանձնումն ավելի քիչ արդյունավետություն ունի, ինչպես նաև նվազեցնում է դաշինքի պաշտպանունակությունը:
- «Financial Times» պարբերականը գրում է, որ ԱՄՆ-ը Ուկրաինային մինչև 300 կմ հեռահարությամբ զինամթերք կմատակարարի HIMARS-ի ՀԿՌՀ-ների համար՝ նոր արձակման կայանքների հետ միասին:
- «The Wall Street Journal» պարբերականին տված հարցազրույցում Ուկրաինայի պաշտպանության նախարար Ալեքսեյ Ռեզնիկովը հայտարարել է. «Մենք պետք է թարմացնենք մեր ստորաբաժանումները, փոխարինենք դրանք, ինչպես նաև վերադասավորումներ կատարենք, քանի որ շատ կորուստներ ունենք։ Մենք մեր գործընկերներից ավելի շատ զրահատեխնիկա, զենք ենք սպասում։ Մենք պետք է վերակազմավորվենք որոշ ուղղություններով, արդիականացնենք ամրությունները և ծրագրենք նոր օպերատիվ ռազմավարություն»։
- «FOX News» լրատվականը գրում է, որ ռուս զինվորականներն այժմ վերահսկում են Ուկրաինայի տարածքի ավելի քան 20 տոկոսը, ինչը չափերով նույնական է ամերիկյան Միսիսիպի նահանգին։
- «The Times» պարբերականին տված հարցազրույցում Ուկրաինայի ՊՆախարար Ալեքսեյ Ռեզնիկովը հայտարարել է, որ Ուկրաինան միլիոնավոր մարտական ուժեր է հավաքում, որոնք զինված են արևմտյան սպառազինությամբ, որպեսզի հետ վերցնի իր հարավային տարածքը Ռուսաստանից։ Համապատասխան հրամանը զինվորականներին տվել է Վլադիմիր Զելենսկին։
- «CNN» հեռուստատեսությանը տված հարցազրույցում Ուկրաինայի նախագահ Վլադիմիր Զելենսկին հայտարարել է, որ «Եթե արևմտյան սպառազինությունը «ժամանակին տեղ հասնի», ապա հակամարտության ռազմական մասը կավարտվի մինչև տարեվերջ»։
- «Financial Times» պարբերականը գրում է, որ ՆԱՏՕ-ն և ԵՄ-ն մտադիր են խստացնել զենքի նկատմամբ վերահսկողությունը, որը փոխանցվում է Ուկրաինային։ Մտավախություն կա գործընկերների մոտ, որ այն ամենահյն հավանականությամբ հայտնվում է նաև «սև շուկայում»։
