Այն հարցը չէ, որը պետք է այժմ բարձրացվի․ Գերմանիայի կանցլերը Ուկրաինայի, Վրաստանի և Մոլդովայի՝ ԵՄ մտնելու մասին
Գերմանիայի կանցլեր Օլաֆ Շոլցը հայտարարել է, որ նոր երկրների՝ Ուկրաինայի, Վրաստանի և Մոլդովայի մուտքը ԵՄ այն հարցը չէ, որը պետք է այժմ բարձրացվի, տեղեկացնում է ZDF հեռուստաալիքը:
«Դուք պետք է շատ հստակ հասկանաք, որ սա, իհարկե, նախադրյալներ ունի, բայց հիմա, կարծում եմ, դա այն հարցը չէ, որ կարելի է քննարկել։ Մենք պետք է հաղթահարենք պատերազմը… համոզվենք, որ էսկալացիա չլինի, մենք պետք է ամեն ինչ անենք, որ Ուկրաինայի զարգացման հեռանկարները լավ լինեն, որպեսզի երկիրը ամբողջությամբ չավերվի, և որ միլիոնավոր մարդիկ չզոհվեն»,- ասել է Շոլցը։
Ինչ վերաբերում է ուկրաինական հայտին, Գերմանիայի կանցլերն ասել է, որ նախատեսվում է նախ «կոնկրետ օգնություն» կազմակերպել Ուկրաինայի համար։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
