Որսորդական հրացանն անօդաչուների դեմ․ Ռուսաստանում զենքի ցուցահանդեսում

Ռուսաստանում ЛПД -801 ռադիոէլեկտրոնային հրացան են ներկայացրել: Անօդաչուների կառավարման ալիքների խլացման սարքը ցուցադրվել է Զենքի և որսորդական արտադրանքի ORELEXPO-2021 միջազգային ցուցահանդեսում: Այս մասին հայտնել է ՏԱՍՍ-ը:

ЛПД-801 հրացանի քաշը 3.5 կիլոգրամ է, որը համեմատելի է Կալաշնիկով ինքնաձիգի հետ: Ռադիոէլեկտրոնային մարտի ​​զենքի կառուցվածքը նույնպես հիշեցնում է ավանդական զենքերը: Այսպիսով, սարքի ալեհավաքը պատրաստված է փողի տեսքով, իսկ փոխարինվող մարտկոցը գտնվում է պահեստատուփի տեղում:

ԼՊԴ-801-ի բնութագրերը հնարավորություն են տալիս հակազդել անօդաչուներին մինչև 1.5 կիլոմետր հեռավորության վրա: Սարքը նախատեսված է կառավարման ալիքների խլացման և անօդաչու թռչող սարքերի տեղորոշման համար: Արտադրողի տվյալներով՝ Արաբական Միացյալ Էմիրությունները արդեն գնել է ԼՊԴ-801-ի խմբաքանակ։