Սոչիում եռակողմ ռուս-թուրք-իրանական հանդիպում է ընթանում
Սոչիում սկսվել է «Աստանայի գործընթացի» երաշխավորների` Ռուսաստանի, Իրանի և Թուրքիայի պատվիրակությունների հանդիպումը: Այս մասին տեղեկացնում է «ՌԻԱ Նովոստի» գործակալությունը:
Միջազգային խորհրդատվությունները կտևեն 2 օր: Երաշխավոր երկրների պատվիրակություններից բացի, բանակցություններին կմասնակցեն միջազգային կազմակերպությունների, այդ թվում`ՄԱԿ-ի, Սիրիայի կառավարության և ընդդիմության պատվիրակությունների ներկայացուցիչներ:
Ինչպես հաղորդել է Սիրիայի հարցերով ՌԴ նախագահի հատուկ բանագնաց Ալեքսանդր Լավրենտևը, օրակարգում ներառված կլինեն քաղաքական կարգավորման, ահաբեկչության դեմ պայքարի, փախստականների վերադարձի, անհայտ կորածների որոնման և Սիրիայում տնտեսական իրավիճակի հարցեր:
«Աստանայի ձևաչափով» ՍԱՀ-ում իրավիճակի կարգավորման բանակցություններն անցկացվում են 2017 թվականից:
