Հայաստանում այս տարի հիմնական և ավագ դպրոցներն ավարտում են 59 հազար 954 աշակերտներ
Հայաստանի Հանրապետության կրթության, գիտության, մշակույթի և սպորտի նախարարության կողմից հրապարակվել են հիմնական և ավագ դպրոցների շրջանավարտների թվերը։
ԿԳՄՍ նախարարի տեղակալ Արաքսիա Սվաջյանը մայիսի 23-ին ուսումնական տարվա ավարտի նախապատրաստական աշխատանքներն ամփոփող ասուլիսի ժամանակ նշեց, որ 9-րդ դասարանում շրջանավարտների թիվն այս տարի 39 հազար 400 է, 12-րդ դասարանում՝ 20 հազար 554։
Փոխնախարարը շեշտել է, որ Տավուշի՝ և՛ 9-րդ, և՛ 12-րդ դասարանների շրջանավարտներն առաջինն են, որ դպրոցն ավարտում են հանրակրթության պետական նոր չափորշիչով։