Նախիջևանի մոբիլիզացիայի և զորակոչի պետական ծառայության նախկին պետը կալանավորվել է
Բաքվի զինվորական դատարանը քննել է Նախիջևանի մոբիլիզացիայի և զորակոչի պետական ծառայության նախկին պետ Ջալիլով Միրզա Խալիլօղլուի նկատմամբ խափանման միջոց ընտրելու միջնորդությունը՝ Պետական անվտանգության ծառայությունում շարունակվող քրեական գործով։
Ինչպես հայտնում է ԱՊԱ-ն, նրան մեղադրանք է առաջադրվել պաշտոնավարման ընթացքում ֆիզիկական անձանցից առանձնապես խոշոր չափերով կաշառք ստանալու համար։
Բաքվի զինվորական դատարանի դատավոր Ռաֆիկ Աբբասովի նախագահությամբ տեղի ունեցած դատական նիստում Միրզա Ջալիլովի նկատմամբ խափանման միջոց է ընտրվել կալանավորումը՝ 3 ամիս 20 օր ժամկետով։