Քոչվորների ու նրանց առաջնորդ ալիևի, նիկոլի ու նիկոլների տոնն է նոյեմբերի 9-ին․ Մետաքսե Հակոբյան
«Քոչվորների ու նրանց առաջնորդ ալիևի, նիկոլի ու նիկոլների տոնն է նոյեմբերի 9-ին… այսօր նրանց հոգիների փառավորման օրն է…,-գրում է Արցախի Հանրապետության ԱԺ «Արդարություն» խմբակցության պատգամավոր Մետաքսե Հայոբյանը։- Իսկ Հայ մայրերի մի մասը կգրկի որդու շիրմաքարը, մի մասը՝ շիրիմի չչորացած հողը, մյուսները կխեղդվեն ցավից, միգուցե երազում կհանդիպեն ու կխոստանան, որ մի օր կվերադառնան Արցախ, որտեղ որդին է՝ մայր հողի մասնիկը դարձած…
«Ողջերիս» մոտ չի ստացվելու ապրել… ապրելու համար պիտի ՎԵՐԱԴԱՌՆԱԼ…»,- գրել է նա՝ հրապարակելով տեսանյութ Արցախի ԱԺ իրենց խմբակցության աշխատասենյակից։
Հիշեցնենք, որ 2020 թ․ այս օրը ավարտվեց Արցախյան երրորդ պատերազմը Նիկոլ Փաշինյանի, Ադրբեջանի նախագահ Իլհամ Ալիևի և ՌԴ նախագահ Վլադիմիր Պուտինի ստորագրած հայտարարությամբ։
