Ներկա իրավիճակում մեղքի մի մեծ բաժին էլ Արցախի «քաղաքականությամբ չզբաղվող» իներտ անտարբեր մասսան ունի
Անձամբ ես Արցախի նախագահ Սամվել Շահրամանյանին բացարձակ չեմ մեղադրում ժողովրդին տարհանելու համար, որովհետև նա տղամարդավարի ստանձնեց որոշում կայացնելու պատասխանատվություն և փրկեց 120000 մարդու կյանք։
Բոլոր նրանք, ովքեր այդ պահին եղել են Արցախում, շատ լավ պետք է հիշեն, թե ինչպիսի իրավիճակ էր… իսկ բողոքողները թող մեկ անգամ իրենք իրենց հարց տան, որ եթե իրենք լինեին այդքան մարդկային կյանքերի պատասխանատու՝ ապա ինչպես կվարվեին։
Եվ մի խորհուրդ՝ եթե բացարձակ տեղյակ չեք քաղաքական գործընթացներից և պետական կառավարման վերին օղակներում կատարվող իրադարձություններից ու որոշումների կայացումներից՝ անիմաստ քայլերի մի դիմեք և պահանջեք հարցերի հրապարակային պատասխաններ։
Դուք Արցախում պետք է ամեն օր բողոքի ակցիա անեիք և հստակ պահանջներ ներկայացնեիք՝ բայց փոխարենը ասում էիք «մունք պալիծիկին խառնվումչնք, լահանդի պանիկավատք անում և այլն»։
Ներկա իրավիճակում մի մեծ մեղքի բաժին էլ Արցախի «քաղաքականությամբ չզբաղվող» իներտ անտարբեր մասսան ունի և պետք չի թացը չորի հետ խառնել։
Դեռ այսքանը…
Արցախցի հասարակական գործիչ Արշակ Աբրահամյանի ֆեյսբուքյան էջից
