Սիրիական ՀՕՊ-ը հետ է մղել իսրայելական հրթիռային գրոհը. SANA
Սիրիայի հակաօդային պաշտպանության (ՀՕՊ) միջոցները հետ են մղել իսրայելական հրթիռային գրոհը Դամասկոսի երկնքում։ Այս մասին տեղեկացրել է SANA գործակալությունը՝ հղում կատարելով զինվորական աղբյուրին։
«Սիրիական զենիթայինները հետ են մղել Իսրայելի ագրեսիվ հարձակումը, որը հրթիռային հարված է հասցրել մի շարք ռազմական դիրքերի մայրաքաղաքի հարավ-արևմուտքում»,- նշել է աղբյուրը։ Նրա տվյալներով՝ Սիրիայի Արաբական Հանրապետության ՀՕՊ-ը խփել է մի քանի հրթիռներ։
Հրետակոծության հետևանքով ծանր վիրավորում է ստացել մի զինվոր։ Կա նաև նյութական վնաս։
Վերջին անգամ իսրայելական ռազմաօդային ուժերը գրոհել են Դամասկոսի ծայրամասերը մայիսի 29-ին։
