Չինաստանը պատրաստ է ամրապնդել համագործակցությունը Եվրասիական մայրցամաքի երկրների հետ. Սի Ծինփին
Չինաստանը պատրաստ է ամրապնդել Եվրասիական մայրցամաքի երկրների հետ համագործակցությունը, Եվրասիական տնտեսական երկրորդ համաժողովի մասնակիցներին ուղղված տեսաուղերձում հայտարարել է Չինաստանի նախագահ Սի Ծինփինը։ Այս մասին հայտնում է ՏԱՍՍ-ը։
Նա հիշեցրել է, որ մարտին Ռուսաստան կատարած այցի ընթացքում ՌԴ նախագահ Վլադիմիր Պուտինի հետ համագործակցության վերաբերյալ նոր պայմանավորվածություններ են ձեռք բերվել՝ «Մեկ գոտի, մեկ ճանապարհ» նախաձեռնությունը ԵԱՏՄ-ի հետ կապելու համար։ Ինչպես ընդգծել է Սի Ծինփինը, չինական կողմն անկեղծորեն շահագրգռված է այս ուղղությամբ համագործակցության խորացմամբ և կոնկրետացմամբ։
«ՉԺՀ պատրաստ է միավորել ուժերը և ամրապնդել համագործակցությունը՝ ելնելով Եվրասիական մայրցամաքում համագործակցության նոր հեռանկարների շահերից»,- ասել է Չինաստանի ղեկավարը։
