Միշելն աջակցել է ռուսաստանցիներին մարդասիրական վիզաների տրամադրմանը
Եվրոպական խորհրդի ղեկավար Շառլ Միշելը ամերիկյան Politico հրատարակությանը տված հարցազրույցում իր աջակցությունն է հայտնել ռուսաստանցիների համար ԵՄ մարդասիրական մուտքի ապահովմանը մասնակի զորահավաքի հայտարարության ֆոնին։
«Համաձայն եմ, որ պետք է շատ արագ արձագանքել ու համակարգվել, քանի որ նոր գործոն է ի հայտ եկել՝ մասնակի զորահավաք»,- ասաց նա։
Ինչպես հաղորդում է «ՌԻԱ Նովոստին», նրա խոսքով՝ Եվրամիությունը պետք է «ընդառաջ գնա» Ռուսաստանից հեռանալ ցանկացողներին։
Եվրահանձնաժողովի պաշտոնական ներկայացուցիչ Էրիկ Մամերը նախօրեին Բրյուսելում կայացած ճեպազրույցում ասել էր, որ Եվրահանձնաժողովը կքննարկի իր սահմաններին հնարավոր գործողությունները՝ կապված Ուկրաինայի շուրջ ստեղծված իրավիճակի և Ռուսաստանի Դաշնությունում մասնակի զորահավաքի հետ:
