Գերմանիան Ուկրաինայի հարցով գաղտնի դիմել է Ռուսաստանին. Foreign Policy
Գերմանիան դեմ է Ռուսաստանի «նվաստացմանը» և դրա համար պատրաստ է անտեսել Ուկրաինային օգնությունը, գրում է Վաշինգտոնի Հադսոնի ինստիտուտի փորձագետ Փիթեր Ռաֆը Foreign Policy ամսագրի հոդվածում։
Նրա կարծիքով, դրա մասին են վկայում «գաղտնի բանակցությունները», որոնք իբր Բեռլինը վարում է Մոսկվայի հետ։
«Փաստը, թե Բեռլինը հեղեղված է Ռուսաստանի հետ գաղտնի բանակցությունների մասին լուրերով, հուշում է, որ Գերմանիան ավելի շուտ կհիասթափեցնի Ուկրաինային, քան կնվաստացնի Ռուսաստանին, ինչ էլ դա նշանակի», – ասել է Ռաֆը:
Վերլուծաբանը կարծում է, որ Գերմանիայի կանցլեր Օլաֆ Շոլցը, հավանաբար, կիսում է Ֆրանսիայի նախագահ Էմանուել Մակրոնի դիրքորոշումը հակամարտության դիվանագիտական լուծման վերաբերյալ։
«Իհարկե, Շոլցը չգնաց այնքան հեռու, որքան Մակրոնը, որը առաջարկեց Ուկրաինային զիջել տարածքի մի մասը և նախազգուշացրեց Արևմուտքին Ռուսաստանին «նվաստացնելու» մասին: Այնուամենայնիվ, գերմանական սուր արձագանքը՝ դիվանագիտական փոխանակումներ կառուցելու տեսքով, ինքնին խոսուն է»,- նշել է փորձագետը։
Ռաֆը ուշադրություն է հրավիրել աննշան ռազմական օգնության վրա, որը Բեռլինը տրամադրում է Կիևին։
«Հաղորդվում է, որ Շոլցը նաև հետ է կանգնում Լիտվայում լրացուցիչ զորքեր տեղակայելու իր խոստումից՝ որպես Բալթյան երկրներում Ռուսաստանին զսպելու ՆԱՏՕ-ի ռազմավարության մաս»,- ընդգծել է հոդվածի հեղինակը։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։