Արևմուտքը հոգնել է Ուկրաինային աջակցելուց
Ուկրաինային արևմտյան հանրության ֆինանսական աջակցությունն ընդամենը չորս ամսում ընկել է «հիասթափեցնող» մակարդակի, իր հոդվածում գրում է Forbes-ի մեկնաբան Ջենա Բարնսը։
Ինչպես նշում է հեղինակը, ճգնաժամի սրման առաջին օրերին մարդիկ «ձգտում էին աջակցել» Ուկրաինային, սակայն այժմ նրանց հետաքրքրում են աշխարհի այլ իրադարձություններ։
Այսպես, ըստ «Բժիշկներ առանց սահմանների» կազմակերպության վիճակագրության, մայիսին Ուկրաինային անհատական նվիրատվությունների թիվը նվազել է մինչև 21 հազար՝ նախորդ ժամանակաշրջանների 70 հազարի դիմաց։ Հարավային Կալիֆորնիայի Direct Relief բարեգործական կազմակերպությունը մարտին հավաքել է ավելի քան 80,000 անհատական նվիրատվություն Ուկրաինայի համար բիզնեսներից և անհատներից, սակայն ապրիլից այդ թիվը նվազել է 90%-ով: Բացի այդ, Միջազգային Կարմիր Խաչը հայտարարել է նաև Ուկրաինայի համար նախատեսված ներդրումների կրճատման մասին, ասվում է նյութում։
Չիկագոյի ուկրաինական ազգային թանգարանի համադրող Մարիա Կլիմչակը ասում է, որ այցելուների թիվը կտրուկ աճել է ռուսական հատուկ գործողության առաջին ամսում, սակայն այցելուների թիվը նվազել է 40%-ով։ Նրա խոսքով, ճգնաժամի սրման առաջին օրերին մարդիկ ակտիվորեն հուշանվերներ էին գնում ՝ուկրաինական դրոշներով, մինչդեռ հիմա դարակները լիքն են դրանցով։