Ֆինլանդիան բացառել է առանց Շվեդիայի միանալ ՆԱՏՕ-ին
Ֆինլանդիայի նախագահ Սաուլի Նիինիստոն նախազգուշացրել է ՆԱՏՕ-ի գլխավոր քարտուղար Յենս Ստոլտենբերգին չեն միանա դաշինքին առանց Շվեդիայի, գրում է «ՌԻԱ Նովոստի»-ին։
«Ես ասում եմ, որ Շվեդիայի գործը մեր գործն է։ Դա նշանակում է, որ մենք միասին՝ ձեռք-ձեռքի տված, առաջ ենք գնալու»,- նշել է նա։
Նշվում է, որ կիրակի օրը Ստոլտենբերգն այցելել է Ֆինլանդիայի Կուլտարանտա քաղաք՝ քննարկելու Ֆինլանդիայի՝ դաշինքին միանալու հարցը։
Հիշեցնենք, որ Հելսինկին և Ստոկհոլմը ՆԱՏՕ-ին անդամակցելու հնարավորության մասին սկսել են խոսել Ուկրաինայում ռուսական հատուկ գործողության ֆոնին և մայիսի 18-ին հայտ են ներկայացրել։ Սակայն Անկարան արգելափակել է դրա քննարկման գործընթացը։ Ռեջեփ Թայիփ Էրդողանը հայտարարել է, որ վետո է դրել Թուրքիայում արգելված Քրդստանի աշխատավորական կուսակցության (PKK) նկատմամբ երկու երկրների դիրքորոշման պատճառով։
