Հայաստանում լրագրողի հավատարմագրումն այսուհետ կարող է դադարեցվել նաև նրան հավատարմագրած պետական մարմնի պահանջով
ԱԺ մայիսի 25-ի նիստին պատգամավորները երկրորդ և վերջնական ընթերցմամբ հավանություն տվեցին «Զանգվածային լրատվության մասին» օրենքում լրացումներ կատարելու մասին օրինագծին:
Այդպես, Հայաստանում լրագրողի հավատարմագրումն այսուհետ կարող է դադարեցվել ոչ միայն իր ներկայացրած լրատվամիջոցի, այլև նրան հավատարմագրած պետական մարմնի պահանջով։
Խորհրդարանական ընդդիմությունը՝ դեմս «Հայաստան» և «Պատիվ ունեմ» խմբակցությունների, նիստին չէին մասնակցում։ Նրանք այժմ համակարգում են անհնազանդության ակցիաները: