Այսօր՝ ժամը 15․30-ին Ֆրանսիայի հրապարակում՝ Նիկոլի հրաժարականի պահանջով
Մայիսի 4-ին, վաղ առավոտից շարունակվում են բողոքի ակցիաները։
Ինչպես երեկ երեկոյան Ֆրանսիայի հրապարակում հանրահավաքի ժամանակ հայտարարեց Իշխան Սաղաթելյանը, այսօր ժամը 12․00-14․00-ը շարունակվելու են բողոքի ակցիաները՝ փակվելու են ճանապարհներ ու շրջափակելու են փողոցներ։
Այնուհետև ժամը 15․30-ին, կրկին նախատեսված է հանրահավաք Ֆրանսիայի հրապարակում։
Ժամի փոփոխությունը պայմանավորված է նրանով, որ վաղը ԱԺ-ում տեղի է ունենալու Կառավարության հետ հարց ու պատասխան։ Ինչպես տեղեկացրեց Սաղաթելյանը, ժամը 16․00-ին Փաշինյանը լինելու է ԱԺ-ում։
«Մենք պետք է ժամը15․30-ին լինենք այս հրապարակում՝ իր հրաժարականի պահանջը ներկայացնելու համար»,- ասել էր նա և միաժամանակ՝ կոչ արել շարունակել գործադուլներն ու դասադուլները։