ՔՊ պատգամավորներն առանց ընդդիմության մի շարք փոփոխություններ հաստատեցին գործող օրենքներում
Ազգային ժողովի ապրիլի 12-ի նիստին պատգամավորները երկրորդ և վերջնական ընթերցմամբ մի շարք օրենսդրական փոփոխություններ են հաստատել գործող օրենքներում։
Մասնավորապես.
Վարչական դատավարության օրենսգրքում և հարակից օրենքներում փոփոխություններ կատարելու մասին օրինագծերի փաթեթը,
Հարկային օրենսգրքում և հարակից օրենքներում փոփոխություններ և լրացումներ կատարելու մասին օրինագծերի փաթեթը,
Հարկային օրենսգրքում փոփոխություններ և լրացումներ կատարելու մասին օրինագիծը,
«Ազգային ժողովի կանոնակարգ» (Սահմանադրական օրենք) օրենքում փոփոխություններ և լրացումներ կատարելու մասին օրինագիծը,
«Արժեթղթերի շուկայի մասին» օրենքում փոփոխություններ և լրացումներ կատարելու մասին օրինագիծը,
«Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրինագիծը,
Հողային օրենսգրքում փոփոխություններ կատարելու մասին օրինագիծը,
Հարկային օրենսգրքում փոփոխություններ և լրացումներ կատարելու մասին օրինագիծը,
Խորհրդարանականները նաև առաջին ընթերցմամբ մի շարք այլ օրինագծեր են հաստատել։
Դրանց թվում են.
«Ազգային ժողովի կանոնակարգ» (Սահմանադրական օրենք) օրենքում փոփոխություններ և լրացումներ կատարելու մասին օրինագիծը,
Հողային օրենսգրքում փոփոխություններ կատարելու մասին օրինագիծը,
«Պետական կենսաթոշակների մասին» օրենքում և հարակից օրենքներում փոփոխություններ և լրացումներ կատարելու մասին օրինագծների փաթեթը,
«Ընդերքի մասին» ՀՀ օրենսգրքում փոփոխություններ և լրացումներ կատարելու մասին» օրինագիծը,
«Մոլախաղերի, առցանց ռեժիմով ինտերնետ խաղերի և խաղատների մասին» օրենքում և հարակից օրենքներում փոփոխություններ կատարելու մասին օրինագծերի փաթեթը,
«Հիդրոօդերևութաբանական գործունեության մասին» օրենքում լրացումներ կատարելու մասին օրինագիծը:
Պատգամավորները նաև մի շարք համաձայնագրեր են վավերացրել։ Դրանց թվում են.
«Անկախ Պետությունների Համագործակցության անդամ պետությունների զինված ուժերի կապի համատեղ (միացյալ) կապի համակարգի մասին» համաձայնագրի վավերացումը,
«Հայաստանի Հանրապետության կառավարության և Գերմանիայի Դաշնային Հանրապետության կառավարության միջև ֆինանսական համագործակցության մասին» համաձայնագրի վավերացումը:
Հիշեցնենք, որ ԱԺ ընդդիմությունը՝ ի դեմս «Հայաստան» և «Պատիվ ունեմ» խմբակցությունների, բոյկոտել է Ազգային ժողովի հերթական քառօրյա լիագումար նիստերը։ Ընդդիմադիր «Հայաստան» խմբակցության ղեկավար Սեյրան Օհանյանը, մասնավորապես, հայտարարել էր, որ ընդդիմությունն այս շաբաթ նիստերին չի մասնակցելու: «Մենք գնալու ենք Արցախի և Հայաստանի սահմանամերձ շրջաններ»,- պարզաբանել էր ընդդիմադիրը։
