Նիկոլականները կնոպկով ակտիվանում են միայն մեկ դեպքում, երբ ՀՀ երկրորդ և երրորդ Նախագահները հարցազրույց են տալիս․ Թովմասյան
Հասկանում եք չէ՞, որ բոլոր տրամաչափի նիկոլականները կնոպկով ակտիվանում են միայն մեկ դեպքում, երբ ՀՀ երկրորդ և երրորդ Նախագահները հարցազրույց են տալիս: Այսօր էլ այդ օրն ա, իրար հերթ չտալով անցել են գործի, արա, բայց դուք մազալու տուզիկներ եք համա: Իսկ երբ իրենց կիրթ ու կառուցողական ախպեր Իլհամը, մեղմ ասած, ոտքերը մաքրում ա իրանց առաջնորդի վրա, բերանները ջուր հավաքած ուլի պես լռում են, ստեղ են ասել երկու վախը մի մահ ա:
Նախագահ Քոչարյանի ասուլիսից ընդգծեմ ինձ համար ամենակարևորը այս պահին. «Փողոցի միակ օրակարգը լինելու է իշխանության հրաժարականը, այլ ոչ թե որևէ քաղաքական առաջնորդի իշխանության գալը»: Նախագահի շեշտադրված մնացած խնդիրները, վստահ եմ, հաջորդիվ կլուծվեն միահամուռ ուժերով և բնակչության մեծամասնության խորը հիասթափությունը իշխանության նկատմամբ կգեներացվի ու փողոցային պայքարը կտա իր արդյունքը: Իսկ հետո լավ է լինելու, չեմ կասկածում:
Ամենակարևորն այն անժխտելի փաստն է, որ դեռ ամիսներ առաջ այս նույն գաղափարը իր հարցազրույցներից մեկում բարձրաձայնել էր ՀՀ երրորդ Նախագահ Սերժ Սարգսյանը: Ուստի կարելի է համարել, որ նպատակը մեկն է և առջևում ծանր, բայց և պատվաբեր պայքար է սպասվում՝ հանուն Ազգային արժանապատվության, հանուն սեփական հողում անվտանգ, ազատ, ինքնիշխան և արժանապատիվ ապրելու:
Արթուր Թովմասյանի ֆեյսբուքյան էջից
