Անկարգությունների ժամանակ Ալմաթիի դիահերձարաններից ավելի քան 40 դի են գողացել
Ալմաթիում անկարգությունների ժամանակ անհայտ անձինք հարձակվել են քաղաքային յոթ դիահերձարանի վրա և այնտեղից գողացել ավելի քան 40 դի։ Այս մասին հայտնել է քաղաքի ոստիկանության վարչության պետ Կանատ Թայմերդենովը։
«Հարձակումները կատարել են փորձառու մարդիկ, ովքեր տիրապետում են զենքին, մարտական մեթոդներին, միևնույն ժամանակ զոհերին ու վիրավորներին չեն թողել, այլ իրենց հետ են տարել, այս օրերին 7 հարձակում է եղել դիահերձարանների վրա, որոնց ընթացքում գողացել են 41 դի»,- ճեպազրույցի ժամանակ ասել է նա։
