Պատգամավոր Կարեն Սարուխանյանի գրագող օգնական Էմմա Պալյանն այսօր պատգամավորական մանդատ ստացավ
«Մեդիապորտ» թելեգրամյան ալիքը գրում է. «ԱԺ «Իմ քայլը» խմբակցության պատգամավոր Կարեն Սարուխանյանի օգնական Էմմա Պալյանն այսօր պատգամավորական մանդատ ստացավ, քանի որ Վահագն Թևոսյանն ավելի վաղ հրաժարվել էր մանդատից՝ ՀՌԱՀ անդամ դառնալու պատճառով:
Էմմա Պալյանը Սարուխանյանի օգնականն է եղել նաև այն ժամանակ, երբ վերջինս զբաղեցրել է Շիրակի մարզպետի պաշտոնը: Այնուհետ նրա հետ տեղափոխվել է խորհրդարան:
Օգնականի անունը մամուլում հիշատակվեց անցյալ տարի ապրիլի 7-ին, երբ պարզ դարձավ, որ Կ. Սարուխանյանը կանանց ուղղված շնորհավորանքը copy է արել Արմեն Աշոտյանից: Իրեն ուղղված ծաղրից հետո, «Իմ քայլի» պատգամավորը մեղքը բարդեց օգնականի վրա՝ ասելով, որ նա է պատրաստել շնորհավորանքը:
Փաստացի գրագող օգնականն այլևս պատգամավոր է: Կարելի է շնորհավորել Էմմա Պալյանին փայլուն կարիերա անելու համար. ստատուսներ դնողից ու սուրճ պատրաստողից պատգամավոր դառնալը իրապես խոշոր ձեռքբերում է:
