ԱՄՆ-ում ՌԴ և ՉԺՀ դեսպանները համատեղ հայտարարություն են արել «Հանուն ժողովրդավարության գագաթնաժողովի» վերաբերյալ
ԱՄՆ-ի նախաձեռնությամբ դեկտեմբերին կայանալիք «Ժողովրդավարության միջազգային գագաթնաժողովը» գաղափարական առճակատման պատճառ կդառնա և կհակասի ժամանակակից աշխարհի զարգացմանը։ Նման կարծիք են հայտնել Վաշինգտոնում Ռուսաստանի Դաշնության և Չինաստանի դեսպանները՝ նշելով, որ իրենք մերժում են այս հանդիպման գաղափարը։ Գրում է tvzvezda.ru-ն:
«Սառը պատերազմի ժամանակների մենթալիտետի այս ակնհայտ արդյունքը կառաջացնի գաղափարական առճակատում և պառակտում աշխարհում՝ ստեղծելով նոր բաժանարար գծեր։ Այս միտումը հակասում է ժամանակակից աշխարհի զարգացմանը։ Անհնար է կանխել գլոբալ բազմակենտրոն ճարտարապետության ձևավորումը, բայց դա կարող է բարդացնել օբյեկտիվ գործընթացը։ Չինաստանն ու Ռուսաստանը կտրականապես մերժում են այդ քայլը»,- կարծում են դեսպանները։
Դիվանագիտական առաքելությունների ղեկավարներն ընդգծել են. մյուս երկրներն ավելի լավ է «կենտրոնանան իրենց վրա», և կարիք չկա անհանգստանալու Ռուսաստանի Դաշնությունում և ՉԺՀ-ում ժողովրդավարության համար։
«Ռուսաստանում և Չինաստանում ժողովրդավարության համար անհանգստանալու կարիք չկա։ Որոշ օտարերկրյա կառավարություններ ավելի լավ է մտածեն իրենց և իրենց տներում կատարվողի մասին: Արդյո՞ք դա ազատություն է, երբ իրենց երկրներում տարբեր հանրահավաքներ ցրվում են ռետինե փամփուշտներով և արցունքաբեր գազով։ Դա ազատության նման չէ»,- ասվում է National Interest-ի հոդվածում:
