Ռուս զինվորականները սկսել են պարեկություն անել Սիրիայում ԱՄՆ-ի վերահսկողության գոտու սահմանին
Սիրիայում ռուս զինվորականները սկսել են պարեկություն անել Ռուսաստանի Զինված ուժերի և Միացյալ Նահանգների գլխավորությամբ միջազգային կոալիցիայի վերահսկվող տարածքների սահմանազատման գիծը, ասել է Պատերազմող կողմերի հաշտեցման կենտրոնի ներկայացուցիչ Վիկտոր Կուդինովը։ Գրում է «ՌԻԱ Նովոստի»-ն:
«Սա այն սահմանն է, որը բաժանում է միջազգային հակաահաբեկչական կոալիցիայի կողմից վերահսկվող տարածքը, Արևելյան գոտին և Ռուսաստանի Դաշնության Զինված ուժերի կողմից վերահսկվող Արևմտյան գոտին: Այս տարածքներում մինչ այժմ ռուս զինվորականների կողմից պարեկություն չի իրականացվել»,- բացատրել է նա:
Կուդինովը նշել է, որ այնտեղ կարող են լինել ԻՊ-ի քնած բջիջներ, ինչպես նաև սիրիական օրենքների հնարավոր խախտումներ։
Այս տարածքում պարեկության հիմնական խնդիրն է ցույց տալ Ռուսաստանի զինված ուժերի ներկայությունը, ասել է Կուդինովը։ Պետք է բնակչությանը ցույց տալ, որ ռուս զինվորականներն այստեղ են և պատրաստ են օգնություն ցուցաբերել։ Հետագայում բարենպաստ պայմաններում այստեղ կարող են մարդասիրական գործողություններ իրականացվել։
ԱՄՆ զինուժն անօրինական կերպով վերահսկում է Սիրիայի հյուսիսում և հյուսիս-արևելքում գտնվող տարածքները Դեյր-էզ-Զոր, Ալ-Հասաքա և Ռաքքա նահանգներում, որտեղ գտնվում են Սիրիայի ամենամեծ նավթի և գազի հանքավայրերը: Պաշտոնական Դամասկոսը բազմիցս իր տարածքում ամերիկացի զինվորականների ներկայությունն անվանել է օկուպացիա և պետական ծովահենությունը նավթի բացահայտ հափշտակության նպատակով։