Թուրքահաճո «խաղաղասիրության» մասին․ Արման Աբովյան
Թուրքահաճո «խաղաղասիրության» մասին։
Մարդը կարող է անգրագետ և անձեռնահաս լինել իր տանը, բայց երբ մարդը պատգամավոր է կամ պետական պաշտոնյա, ապա իր անգրագիտությունը սպառնալիք է դառնում երկրի անվտանգությանը:
Կփորձեմ առանց պիտակների ու վիրավորանքների:
Եվ այսպիսով, իշխանությունների շատ ներկայացուցիչներ, արդարացնելով իրենց պարտվողական թուրքահաճո քաղաքականությունը և Հայաստանը, Արցախը, արժանապատիվ հայերին և հպարտ քաղաքացիներին թուրքական կացնի տակ դնելու պատրաստակամությունը, իրենց նենգ դիրքորոշումը հիմնավորում են մոտավորապես նման արտահայտությամբ. Կամ մենք համաձայն ենք թուրքերի և ադրբեջանցիների պայմաններին և նրանց ենք հանձնում այն ամենը, ինչ իրենք ուզում են, և կհասնենք խաղաղության, կամ ընդիմանում ենք թուրք֊ադրբեջանական օրակարգին և այդ պարագայում պատերազմ կլինի, և շատ հայեր կրկին կմահանան:
Ցինիզմ, սուտ, մանիպուլյացիա՝ ահա այս պնդումների հակիրճ ամփոփումը:
Ասեմ ավելին՝ հենց թուրքերի հետ «ամեն գնով խաղաղության» դիրքորոշումն է հանդիսանում այն գործոնը, որը կհանգեցնի անխուսափելի պատերազմի ,հայերի բնաջնջման և Հայաստանի ու Արցախի կործանման, քանի որ Թուրքիայի և Ադրբեջանի ռազմավարական նպատակներն անփոփոխ են, այն է `տարածաշրջանում հայկական գործոնի ոչնչացումը` ընդհանուր քաղաքական կառույցի հետագա վերամիավորման համար:
Այսինքն ՝ ևս մեկ անգամ կրկնում եմ ՝ նրանք, ովքեր ներկա իրավիճակում ամենն գնով «խաղաղության» կողմնակիցներն են, հենց նրանք են մոտեցնում պատերազմը:
Պատերազմից խուսափելու միայն մեկ ճանապարհ կա ՝ ՊԱՏՐԱՍՏ ԼԻՆԵԼ ՊԱՏԵՐԱԶՄԻՆ ԵՎ ԱՅԴ ՈՒՂՂՈՒԹՅԱՄԲ ՆԵՐԴՆԵԼ ԲՈԼՈՐ ՌԵՍՈՒՐՍՆԵՐԸ, այլ ոչ թե ծնկած սողալ՝ խաղաղություն մուրալով, թուրքերի և ադրբեջանցիների առջև:
Հ․Գ․
Այդ սուպերգերխաղաղսեր իշխանական պատգամավորներին և բարձրաստիճան չինովնիկներին մի բան հիշեցնեմ և խորհուրդ կտամ․
Առաջին՝ Հայաստանի հանրությունը չի ցանկանում ոչնչացված լինել, նույնիսկ «հպարտ քաղաքացիները»,սա որպես նախաբան:
Երկրորդ ՝ նման անհեթեթ և անպատասխանատու հայտարարություններ անելուց առաջ, խորհուրդ եմ տալիս բոլոր խաղաղսերներին գնալ Ադրբեջան և սկսել աշխատել ադրբեջանական հասարակության հետ «խաղաղություն» քարոզի թեմայով:
Եվ, եթե նա ինչ -որ հրաշքով ողջ մնան տոլերանտ ադրբեջանցիների միջավայրում, քսան տարի հետո թող վերադառնան Հայաստան՝ այդժամ կխոսենք:
Արման Աբովյանի ֆեյսբուքյան էջից։