Կապանի տեղամասերից մեկում «Հայաստան»-ի 258 քվեն հաշվել են Եվրոպական կուսակցության օգտին

«Վերահաշվարկի արդյունքում պարզվել է, որ Կապանում տեղակայված 35/17 ընտրատեղամասում «Հայաստան» դաշինքը ստացել է 258 քվե, սակայն մուտքագրվել է՝ 0»։ Այս մասին գրել է «Թելեգրամի» Armbigbrother ալիքը։

Աղբյուրը տեղեկացնում է, որ «Հայաստան» դաշինքի 258 քվեն այդ տեղամասում հաշվել են  Եվրոպական կուսակցության օգտին։

Հիշեցնենք, որ ԿԸՀ հրապարակած նախնական արդյունքների համաձայն, «Հայաստան» դաշինքը ստացել է 268.300 քվե, իսկ Տիգրան Խզմալյանի ղեկավարած Հայաստանի Եվրոպական կուսակցությունը՝ 2 786 քվե։

Ավելի վաղ Ռոբերտ Հայրապետյանն իր ֆեյսբուքյան էջում գրել էր,  որ Վանաձորում տեղակայված 23/47 տեղամասում կատարված վերահաշվարկի արդյունքում «Հայաստան» դաշինքի ձայների թիվն ավելացել է 10 անգամ՝ 10-ից հասնելով 100-ի։