Լեռնային Ղարաբաղում շփման գծի ողջ երկայնքով պահպանվում է հրադադարի ռեժիմը. ՌԴ ՊՆ
Լեռնային Ղարաբաղում շփման գծի ողջ երկայնքով պահպանվում է հրադադարի ռեժիմը: Այս մասին ճեպազրույցի ժամանակ հայտարարել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը:
«Լեռնային Ղարաբաղում ռուսական խաղաղապահ ուժերի կոնտինգենտն իրավիճակի շուրջօրյա մոնիթորինգ է իրականացնում և հետևում հրադադարի ռեժիմի պահպանմանը: Հրադադարի ռեժիմը պահպանվում է շփման գծի ողջ երկայնքով»,-ասել է նա:
Կոնաշենկովը նաև հայտնել է, որ մեկ օրում Հայաստանից Լեռնային Ղարաբաղ է վերադարձել ևս 566 մարդ: Խաղաղապահ օպերացիայի ընթացքում վերադարձել է ընդհանուր առմամբ 39 700 փախստական:
