Ադրբեջանն առաջին թվային տվյալներն է հրապարակել պատերազմում իր կորուստների մասին
Արցախի դեմ Ադրբեջանի սանձազերծած պատերազմում, ըստ պաշտոնական տվյալների` ադրբեջանական կողմն ունեցել է մարդուժի 2783 կորուստ: Այս մասին հայտնել է երկրի պաշտպանության նախարարությունը:
«Զոհվել է Ադրբեջանի զինված ուժերի 2783 զինծառայող»,- ասված է հաղորդագրությունում:
Արցախի դեմ սանձազերծած լայնածավալ ագրեսիայի և ռազմական գործողությունների արդյունքում նոյեմբերի 8-ի դրությամբ, ըստ հայկական կողմի տվյալների` Ադրբեջանն ունեցել է կենդանի ուժի 7630 կորուստ, հակառակորդը կորցրել է ընդհանուր առմամբ 264 ԱԹՍ, 16 ուղղաթիռ, 25 ինքնաթիռ, 784 զրահատեխնիկա, 6 ՏՕՍ:
