Թուրքական կուսակցությունները համատեղ հայտարարություն են տարածել ընդդեմ Մակրոնի
Թուրքիայի խորհրդարանական չորս կուսակցությունները համատեղ հայտարարություն են տարածել ընդդեմ Ֆրանսիայի նախագահ Էմանուել Մակրոնի՝ քննադատելով Ֆրանսիայի առաջնորդի դիրքորոշումը իսլամի նկատմամբ և կոչ անելով արևմտյան երկրներին «ողջախոհ դիրքորոշում» որդեգրել:
Հայտարարությունը ստորագրել են իշխող «Արդարություն և զարգացում» կուսակցության, ազգայնական «Ազգային շարժում» կուսակցության, ընդդիմադիր «Ժողովրդա-հանրապետական» կուսակցության և «Լավ կուսակցության» խմբակցությունների ղեկավարները, հայտնում է РИА Новости-ն։
«Վերջերս Ֆրանսիայի նախագահ Էմանուել Մակրոնի հայտարարություններն ու գործողությունները ցույց են տալիս ցավոտ հռետորաբանություն: «Խոսքի ազատությանը սատարելու» անվան տակ նրա անխոհեմ գործողությունները բախում են առաջացնում, պառակտում, որի համաշխարհային հետևանքները կարող են բացասաբար ազդել բոլոր դավանանքի մարդկանց վրա», – ասված է հայտարարության մեջ:
Թուրքիայի խորհրդարանական կուսակցությունները դատապարտել են Մակրոնի հայտարարությունները «հրահրող և անհարգալից» Մուհամեդ մարգարեի, իսլամի և մահմեդականների հանդեպ և հրավիրել քաղաքական գործիչների, մտածողների, արևմուտքի հասարակական գործիչների ուշադրությունը «իրենց ողջախոհությունը ցույց տալ այս տգեղ հայացքներին»:
Հոկտեմբերի սկզբին Մակրոնը ելույթ ունեցավ Ֆրանսիայում կրոնական անջատողականության դեմ պայքարի վերաբերյալ ՝ հայտարարելով, որ հանրապետական արժեքների ամրապնդմանն ուղղված համապատասխան օրինագիծը կներկայացվի դեկտեմբերի 9-ին: Ֆրանսիայի առաջնորդը արտահայտել է միտքը «Ֆրանսիայում իսլամը արտաքին ազդեցությունից ազատելու» և մզկիթների ֆինանսավորման վերահսկողությունը խստացնելու անհրաժեշտության մասին:
