Թրամփը հայտարարել է Իրանի հետ գործարք կնքելու ԱՄՆ-ի պատրաստակամության մասին
ԱՄՆ-ը պատրաստակամ է Իրանի հետ գործարք կնքելուն և կողմ է, որպեսզի նա լինի ուժեղ պետություն: Այս մասին ԱՄՆ նախագահ Դոնալդ Թրամփը ասել է երկուշաբթի՝ սեպտեմբերի 21-ին, Օհայո նահանգի Դեյթոն քաղաքում անցկացվող քարոզարշավի ժամանակ:
Ըստ Սպիտակ տան ղեկավարի, եթե նա վերընտրվի 2020-ի նոյեմբերին, Թեհրանը արագորեն կգնա պայմանագիր ստորագրելուն: Միևնույն ժամանակ, Թրամփը նշել է, որ Վաշինգտոնը իսկապես ցանկանում է գործարք կնքել Իրանի հետ, բայց մերժել է այս երկրի միջուկային զենք ունենալու հնարավորությունը:
Ըստ ՏԱՍՍ-ի՝ այս պահին ամերիկացի առաջնորդը իր ենթականերին հրամայել է չբանակցել Իրանի հետ համաձայնագրի ստորագրման համար, քանի որ Թեհրանն իբր ցանկանում է սպասել:
Սեպտեմբերի 20-ին ԱՄՆ պետքարտուղար Մայք Պոմպեոն հայտարարել էր Իրանի դեմ ՄԱԿ-ի պատժամիջոցները վերսկսելու մասին, չնայած այն հանգամանքին, որ կազմակերպությունը դրան համաձայն չէ:
Միևնույն ժամանակ, Ռուսաստանի արտգործնախարարությունից հաղորդել են, որ Միացյալ Նահանգները շարունակում են մոլորության մեջ գցել միջազգային հանրությանը՝ շահարկելով Իրանի դեմ պատժամիջոցների վերականգնման թեման:
2018-ին Վաշինգտոնը դուրս եկավ Թեհրանի հետ Գործողության համատեղ համապարփակ ծրագրից, որից հետո սկսեց Իրանի վրա առավելագույն ճնշում գործադրելու արշավ, ըստ էության՝ ուղղված նրան տնտեսապես խեղդելուն: 2015-ին ՄԱԿ-ի Անվտանգության խորհրդի հինգ մշտական անդամները և Գերմանիան Գործողության համատեղ համապարփակ ծրագիր ստորագրեցին Իրանի հետ`Թեհրանի միջուկային զարգացման շուրջ ստեղծված ճգնաժամը հաղթահարելու համար:
