Կրկին անգամ`ուշքի´ եկեք , լուրջ բան եմ ասում, թե չէ արդեն ատելությունից ու ցայտնոտից լրիվ անջատվել եք

Տեսնելով, թե ինչ խառա-խուռա հոգեվիճակի մեջ են ընկել իշխանության տեղեկատվական «ռուպռները»՝ ուզում եմ պարզապես մենք` բոլորս, հստակ ֆիքսենք շատ կարևոր մի փաստ։

Ոչ մի բովանդակային հակադարձում Ծառուկյանի հնչեցրած թեզերին մենք չլսեցինք, և ըստ էության, չենք լսի, քանզի իրենք էլ են հասկանում, որ բովանդակային դաշտում իրենք պարզապես ասելու բան չունեն։

Հո չեն ասի, որ փաստացի տանուլ են տվել ամեն ինչ` սկսած տնտեսությունից ու սոցիալական վիճակից, վերջացրած արտաքին քաղաքականությամբ և ամենակարևորը, համավարակի դեմ պայքարում։

Ես ուղղակի ապշած եմ, թե որքան պետք է իրենք կտրվեն իրականությունից , որ մեր երկրում տիրող ծայրահեղ իրավիճակում , տարված լինեն ԲՀԿ-ի մասին հին ու ստահոտ «Գյուլնազ տատու» հեքիաթների վերարտադրմամբ։

Ուշքի´ եկեք, մենք ամեն օր ունենք հարյուրավոր նոր վարակված քաղաքացիներ։

Այսինքն՝ ընդհանուր առմամբ, համավարակի սկզբից մինչ այս օրը մոտ 200 հոգի մահացած, 13.000-ից ավելի հիվանդ և վարակակիր, իսկ իշխանություները, ընկած ցեյտնոտի մեջ, առավոտից իրիկուն ցիտում են «նաֆթալինոտ» քարոզչական հեքիաթները` ԲՀԿ ի և Գագիկ Ծառուկյանի մասին։

Հասկանում եմ, որ դուք ստացել եք հրահանգ՝ ամեն կերպ ատելով, սպառնալիքներով, ստահոդ քարոզչական հնարքներով շեղել բոլորին  իրական խնդիրները բարձրաձայնելու իրավունքից:

Բայց շտապեմ ձեզ «դիլխոր» գցել, չի´ ստացվի, պարզապես չի´ ստացվի, որովհետև ինչ ուզում եք՝ արեք, միևնույն է, խնդիրների դեմը դուք ունակ չեք առնելու: Մարդկանց դուրս հանել վարկային գերությունից՝ չե´ք կարող, գործազրկության տեմպերը չե´ք կարող կանգնեցնել ու այսպես շարունակ, իսկ գիտե՞ք ինչու, որովհետև կտրվել եք իրականությունից, որովհետև աշխատելու փոխարեն՝ զբաղված եք մեր դեմ «կռիվ տալով», ստեր տարածելով և արշավներ կազմակերպելով:

Կրկին անգամ`ուշքի´ եկեք, լուրջ բան եմ ասում, թե չէ արդեն ատելությունից ու ցայտնոտից լրիվ անջատվել եք։

Արման Աբովյանի ֆեյսբուքյան էջից