30 հազար դրամի համար Փաշինյանը Արշակյանին «պատժել է»
Ազգային ժողովի փոխնախագահ Հակոբ Արշակյանը դուրս է մնացել ՔՊ համագումարից՝ Նիկոլ Փաշինյանի ուղիղ ցուցումով։ Ինձ պատմեցին, որ Փաշինյանը Արշակյանին արգելել է մասնակցել համագումարին՝ ընդամենը 30 հազար դրամ կուսակցական պարտքի պատճառով:
Արշակյանին, բառի բուն իմաստով, արգելվել է մտնել Մարզահամերգային համալիր, որտեղ այս պահին տեղի է ունենում կուսակցության համագումարը։
Այս դեպքը պետք է դաս լինի մյուս ՔՊ-ականների համար: Եթե ԱԺ փոխնախագահին կարող է նվաստացնել ընդամենը 30 հազար դրամի համար, ապա ի՞նչ է սպասվում շարքային կուսակցականին։
