ԱՄՆ Պետդեպարտամենտը հաստատել է F-16-ի կործանիչների սարքավորումների վաճառքն Ուկրաինայի կառավարությանը
ԱՄՆ Պետդեպարտամենտը հաստատել է F-16-ի ուսումնական և տեխնիկական աջակցության, ինչպես նաև դրանց հետ կապված սարքավորումների վաճառքն Ուկրաինայի կառավարությանը՝ 310.5 միլիոն դոլարի չափով։
ԱՄՆ Պաշտպանական անվտանգության համագործակցության գործակալությունը (DSCA) հայտարարել է, որ Ուկրաինայի կառավարությունը սարքավորումներ և ծառայություններ է խնդրել իր F-16 կործանիչներին աջակցելու համար։
Առաջարկվող վաճառքը կբարձրացնի Ուկրաինայի կարողությունը՝ հակազդելու ներկա և ապագա սպառնալիքներին՝ ապահովելով իր օդաչուների արդյունավետ վերապատրաստումը և բարելավելով նրա փոխգործունակությունը Միացյալ Նահանգների հետ։
