ԵՄ պատվիրակությունը ժամանել է Երևան՝ ՀՀ-ի հետ վիզային ռեժիմի ազատականացման բանակցությունների համար
ԵՄ պատվիրակությունը ժամանել է Երևան ՀՀ-ի հետ վիզային ռեժիմի ազատականացման բանակցությունների պլանի մշակման համար։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2025թ. պետբյուջեի նախագծի քննարկման ժամանակ նոյեմբերի 5-ին ասել է արտաքին գործերի փոխնախարար Պարույր Հովհաննիսյանը։
Նրա խոսքով՝ այս տարին աննախադեպ էր Հայաստան-ԵՄ գործընկերության օրակարգի առաջմղման իմաստով։ Փոխնախարարը նշել է տարբեր ոլորտներում ձեռք բերված բազմաթիվ ձեռքբերումների մասի, օրինակ՝ Հայաստան-Եվրոպոլ և Հայաստան-Եվրոյուստ պայմանագրերը։
«Սկսվել է երկխոսություն Հայաստանի Հանրապետության քաղաքացիների համար եվրոպական վիզաների ազատականացման վերաբերյալ։ Եվրամիության պատվիրակությունը նոյեմբերի 5-6-ին կգտնվի Երևանում։ Նրանց նպատակն է համապատասխան բանակցային ծրագրի մշակումը»,- ասել է Հովհաննիսյանը։
Ավարտվում է նաև աշխատանքը Հայաստան-ԵՄ գործընկերության նոր օրակարգի նախագծի ուղղությամբ։
«Այս բոլոր քայլերը, իհարկե, իրենց ազդեցությունը կունենան 2025թ. նախատեսված աշխատանքների վրա»,- ընդգծել է ԱԳՆ պաշտոնյան։
