ՀԱՄԱՍ-ի քաղբյուրոյի ղեկավարը մի քանի շաբաթ անց կապի է դուրս եկել

ՀԱՄԱՍ-ի քաղբյուրոյի ղեկավար Յահյա Սինվարը մի քանի շաբաթ անց կապի է դուրս եկել։ Այս մասին գրել է The Times of Israel-ը:

Հիշեցնենք՝ ավելի վաղ լուրեր էին տարածվում, թե նա կարող է սպանված լինել Գազայի վրա իսրայելական հարվածի արդյունքում:

Իսրայելցի բարձրաստիճան պաշտոնյան էլ իր հերթին Walla լրատվական կայքին ասել է, որ Սինվարը, կարծես, ոչ մի կերպ չի մեղմացրել  պատանդների գործարքի և հրադադարի վերաբերյալ իր դիրքորոշումը։

Հիշեցնենք՝ ՀԱՄԱՍ-ը պահանջել է Գազայից զինվորականների ամբողջական դուրսբերում և պատերազմի վերջնական դադարեցում, մինչդեռ Իսրայելը հրաժարվել է ցանկացած պայմանավորվածությունից, որը թույլ կտա ՀԱՄԱՍ-ին պահպանել վերահսկողությունը և վերականգնել իր ռազմական հզորությունը: