ՀՌՀ պաշտոնական ֆեյսբուքյան էջը կոտրել են․ հանձնաժողովի անունից մեկնաբանություններ են տեղադրվել

Հեռուստատեսության և ռադիոյի հանձնաժողովի պաշտոնական ֆեյսբուքյան էջը ենթարկվել է հաքերային հարձակման։ Դրա հետևանքով Հանձնաժողովի անունից տարբեր հրապարակումների տակ մեկնաբանություններ են տեղադրվել, ինչպես նաև փորձեր են կատարվել սահմանափակելու հրապարակումների մեկնաբանությունների հնարավորությունը։

Այս մասին հայտնում են Հեռուստատեսության և ռադիոյի հանձնաժողովից։

Հանձնաժողովի փոխանցմամբ՝ իրականացված ներքին ուսումնասիրության արդյունքում պարզվել են միջադեպի պատճառները։

Հանձնաժողովը հայցել է օգտատերերի ներողամտությունը պատճառված անհարմարության համար։