Լեհաստանն Արևելյան վահան ծրագրի համար 44 մլրդ եվրոյի ԱԹՍ կգնի
Լեհաստանի վարչապետ Դոնալդ Տուսկը հայտարարել է, որ Վարշավան Եվրոպական SAFE պաշտպանական վարկային ծրագրի շրջանակներում 44 միլիարդ եվրո կհատկացնի արևելյան սահմանին անօդաչու թռչող սարքերի համար։
«Արմենպրես»-ի հաղորդմամբ՝ այս մասին հայտնում է ՌԻԱ Նովոստի-ն՝ վկայակոչելով Լեհաստանի վարչապետի հայտարարությունը։
«Մոտ 44 միլիարդ եվրո կհատկացվի անօդաչու թռչող սարքերի սարքավորումների գնմանը՝ SAFE ծրագրի շրջանակներում՝ Արևելյան վահան ծրագրի համար։ Սա երկարատև դիվանագիտական ջանք էր, բայց, ի վերջո, մենք ստացանք ամբողջ Եվրոպայի միանշանակ համաձայնությունը», – ասել է Տուսկը, բացելով կաբինետի նիստը։
Հոկտեմբերի 20-ին Լեհաստանի ներքին գործերի և վարչակազմի փոխնախարար Չեսլավ Մրոչեկը հայտարարել է, որ երկիրը արևելյան սահմանին կառուցում է անօդաչու թռչող սարքերի դեմ պայքարի համակարգ։ Նա հավելել է, որ ԱԹՍ-ների դեմ պայքարի համակարգի ավարտը նախատեսված է 2026 թվականին։
