ԱՄՆ Տեխաս նահանգում ջրհեղեղ է. կան տասնյակ զոհեր և անհետ կորածներ
Տեխասի Քեր շրջանում ջրհեղեղների զոհերի թիվը հասել է 24-ի, հաղորդում է ABC-ն՝ հղում անելով շրջանի շերիֆ Լարի Լ. Լեյտային։
CNN-ը նախկինում հայտնել էր 13 զոհի և մոտ 20 անհետ կորածի մասին։ Հեռուստաալիքը նշում է, որ անհետ կորածների ճշգրիտ թիվը դեռևս անհայտ է։
ԱՄՆ Ազգային օդերևութաբանական ծառայությունը սոցիալական ցանցերում հայտնել է Տեխասի Քեր շրջանի մի քանի քաղաքներում արտակարգ իրավիճակի մասին՝ ջրհեղեղի պատճառով։ Ինչպես հաղորդում է CNN-ը, տարածաշրջանում կես միլիոնից ավելի մարդիկ ջրհեղեղի վտանգի տակ են։
