Ստամբուլում կաուչուկի գործարան է այրվում
Ստամբուլում հրդեհ է բռնկվել կաուչուկի արտադրության գործարանում, հայտնում են թուրքական լրատվամիջոցները։
Այրվող գործարանը գտնվում է Բաշաքշեհիր շրջանի Իկիտելի արդյունաբերական գոտում։ Սա ցածր շենք է` ընդամենը երեք հարկ:
Հրդեհի մասին ահազանգ ստանալուց հետո դեպքի վայր են ուղարկվել հրշեջներ, շտապօգնության մեքենա և ոստիկանություն։ 66 հրշեջ-փրկարար 19 միավոր տեխնիկայով մարում են կրակը։
Այս պահին փրկվել են երեք հոգի, ովքեր հրդեհի ու ծխի պատճառով արգելափակվել են տանիքում և չեն կարողացել ինքնուրույն դուրս գալ։ Հնարավոր զոհերի և վիրավորների մասին տեղեկություններ չկան։
