Իսպանիայում աղետալի ջրհեղեղի հետևանքով հինգ տասնյակից ավելի մարդ է մահացել, կան անհետ կորածներ
Իսպանիայի հարավարևելյան մասում գտնվող Չիվա քաղաքում հորդառատ անձրևների հետևանքով 51 մարդ է մահացել։ Հաղորդել է BBC-ն։
Վալենսիային մոտ գտնվող Չիվայում ութ ժամում թափվել է այնքան անձրև, ինչքան սովորաբար լինում է մեկ տարվա ընթացքում։
Համացանցում հրապարակված տեսանյութերում երևում է, որ անձրևին հաջորդած ջրհեղեղները քաոս են առաջացրել տարածաշրջանում։ Բնական աղետի հետևանքով փլուզվել են կամուրջներ, ջրհեղեղը քշել է մեքենաներ։
Ավելի քան 1000 զինծառայող ներգրավվել է փրկարարական աշխատանքներում, բազմաթիվ մարդիկ անհայտ կորած են մնում։ Տեղական լրատվամիջոցները հաղորդում են նաև Միջերկրական ծովի արևմուտքում գտնվող Բալեարյան կղզիներում ավերածությունների և զոհերի մասին:
