ՌԴ-ն իրեն իրավունք է վերապահում միջուկային զենք կիրառել ագրեսիայի դեպքում․ Պուտին
ՌԴ-ն կարող է քննարկել միջուկային զենքի կիրառումը, երբ ստանա հուսալի տվյալներ օդատիեզերական հարձակման զենքերի զանգվածային արձակման, այդ թվում՝ հրթիռների և անօդաչուների, ինչպես նաև ՌԴ պետական սահմանը հատելու մասին։
Այս մասին հայտարարել է ՌԴ նախագահ Վլադիմիր Պուտինը։
«Ռուսաստանի կողմից միջուկային զենքի կիրառման անցնելու պայմանները հստակ նշված են։
Մենք կդիտարկենք այդ հնարավորությունը, երբ ստանանք հավաստի տեղեկատվություն օդատիեզերական հարձակման զենքերի զանգվածային արձակման և մեր պետական սահմանը հատելու մասին»,- ասել է Պուտինը։
«Մոսկվան իրեն իրավունք է վերապահում հարձակման ժամանակ միջուկային զենք օգտագործել, ներառյալ, եթե հակառակորդը, օգտագործելով սովորական զենք, կրիտիկական վտանգ է ներկայացնում Ռուսաստանի և Բելառուսի համար»,- հավելել է Պուտինը։
Նա ընդգծել է, որ այս բոլոր հարցերը համաձայնեցվել են հանրապետության նախագահ Ալեքսանդր Լուկաշենկոյի հետ։
