Կրեմլին չի անհանգստացնում Պուտինի այցը Մոնղոլիա, որն ստորագրել է Հռոմի ստատուտը
ՌԴ նախագահ Վլադիմիր Պուտինի՝ Մոնղոլիա այցի առումով Կրեմլին չի անհանգստացնում այն, որ Ուլան Բատորը ստորագրել է Հռոմի ստատուտը և Միջազգային քրեական դատարանի անդամ է հանդիսանում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Լրագրողների հարցին, թե արդյոք Կրեմլում մտահոգություններ կա՞ն Մոնղոլիայի կողմից ՄՔԴ-ի իրավասության ճանաչման առումով, ՌԴ ղեկավարի մամուլի քարտուղար Դմիտրի Պեսկովը պատասխանել է. «Ոչ, անհանգստություն չկա»։
«Մենք հիանալի երկխոսություն ունենք Մոնղոլիայի մեր բարեկամների հետ», – Պեսկովի խոսքերն է մեջբերում «Ինտերֆաքս»-ը։
