Թուրքիայում ձերբակալել են Իսլամական պետության հետ առնչություն ունենալու մեջ կասկածվող 119 անձի

Թուրքիայի ոստիկանությունը ձերբակալել է «Իսլամական պետություն» (ԻՊ) ահաբեկչական խմբավորմանը առնչություն ունենալու 119 կասկածյալի։ «ՌԻԱ նովոստի»-ն գրում է, որ ուրբաթ օրը այդ մասին հայտարարել է Թուրքիայի ներքին գործերի նախարար Ալի Երլիքայան։

«23 նահանգներում ԻՊ-ի դեմ գործողության արդյունքում ձերբակալվել է 119 կասկածյալ»,- գրել է նախարարը X սոցիալական ցանցում։

Գործողությունն իրականացվել է Ստամբուլում, երկրի մայրաքաղաք Անկարայում, Անթալիայում և այլ նահանգներում։