Մեծ է Ձեր վաստակը և ավանդը աշխարհասփյուռ հայությանը Հայաստանի շուրջ համախմբման գործում
Այսօր Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ծննդյան տարեդարձն է։
Վեհափա՛ռ Տեր․
ՀՀԿ հոգևոր-մշակութային և գիտակրթական հանձնաժողովի
անդամների անունից թո՛ւյլ տվեք շնորհավորել Ձերդ Սրբությանը ծննդյան
73-ամյակի առթիվ։
Դուք ձեր ծննդյան տարեդարձը դիմավորում եք Հայոց Առաքելական
եկեղեցու անդաստանում արգասաբեր գործունեության և ծառայության մեծ
վաստակով։
Հայոց եկեղեցու առաջնորդի սրբազան պարտականությունը Դուք
ստանձնեցիք մեր անկախ պետականության բախտորոշ
ժամանակաշրջանին և լծվեցիք մեր պետության ու եկեղեցու առջև
ծառացած խնդիրների լուծմանը՝ ի նպաստ համայն հայության
միասնության և հոգևոր կյանքի պայծառացման ու շենացման, կյանքի
կոչեցինք հայրենական և եկեղեցական մի շարք կարևոր ծրագրեր,
նախաձեռնություններ և միջոցառումներ։
Մեծ է Ձեր վաստակը և ավանդը Հայաստանի Հանրապետության և
Հայոց եկեղեցու միջև կապերի ամրապնդման և զարգացման, կրոնական
դիվանագիտության և միջեկեղեցական փոխգործակցության,
աշխարհասփյուռ հայությանը Հայաստանի պետության շուրջ
համախմբման գործում։
Վերստին մեր ջերմ շնորհավորանքները բերելով և հայցելով Տիրոջ Սուրբ
Աջի առաջնորդությունն ու հովանին՝ մաղթում ենք ձեզ քաջառողջություն,
բեղմնավոր և արգասաբեր գործունեություն, գահակալության երկար
տարիներ՝ ի վերաշինություն Հայոց Առաքելական Սուրբ եկեղեցու, հանուն
համայն հայության ազգային իղձերի ու նպատակների իրագործման և
Հայաստանի Հանրապետության։
Որդիական խոնարհությամբ մատչիմ ի համբույր Ձերդ Սրբության Օծյալ
Սուրբ Աջույն՝
Վոլոդյա Գասպարյան
