Անդամավճար մուծելուց Հայաստանի հրաժարման պատճառով ՀԱՊԿ բյուջեն կվերանայվի. ՌԴ ԱԳՆ
Հայաստանի՝ ներդրում կատարելուց հրաժարվելու պատճառով պահանջվում է ՀԱՊԿ-ի ընթացիկ տարվա բյուջեի ճշգրտում։ Այս մասին հայտնում է «ՌԻԱ Նովոստի» գործակալությունը՝ վկայակոչելով ՌԴ ԱԳ նախարարությանը։
«Այժմ մշակվում է Հավաքական անվտանգության խորհրդի որոշման նախագիծը: Ընդ որում, ներդրումների «վերաբաշխման» մասին խոսք չի գնում, կգործարկվեն նաև առկա պահուստները։ Բայց Երևանը պահպանում է ֆինանսավորման պարտավորությունները՝ Կազմակերպության կանոնադրությանը և այլ փաստաթղթերին համապատասխան։
Սա միջազգային կազմակերպությունների գործունեության համաշխարհային պրակտիկա է, որտեղ ֆինանսական կարգապահությունը պահպանվում է՝ անկախ կողմերից մեկի՝ իր անդամակցությունը «սառեցնելու» կամ նույնիսկ դադարեցնելու որոշումից»,-նշում է գործակալությունը։
