Ժամանակն է, որ մենք հրաժեշտ տանք ԵԱՀԿ ԽՎ-ին․ ՌԴ Պետդումայի խոսնակ
Պետդուման նախատեսում է դադարեցնել մասնակցությունը Եվրոպայի անվտանգության և համագործակցության կազմակերպության (ԵԱՀԿ ԽՎ) խորհրդարանական վեհաժողովի աշխատանքներին։ Այս մասին պատգամավորներն իրենց դիրքորոշումը հայտնել են լիագումար նիստում, փոխանցում է rg.ru-ն։
«Ժամանակն է, որ մենք հրաժեշտ տանք ԵԱՀԿ ԽՎ-ին», – շեշտել է Պետդումայի խոսնակ Վյաչեսլավ Վոլոդինը:
Նա հիշեցրել է, որ այս կազմակերպությունը վաղուց կորցրել է իր անկախությունը․ «պարում է Վաշինգտոնի մեղեդու տակ»:
Վյաչեսլավ Վոլոդինը պարադոքսալ է համարել այն, որ Ռուսաստանը այդ կազմակերպության խոշորագույն վճարողներից մեկն է:
«Մենք պետք է դուրս գանք, դադարեցնենք միջոցների փոխանցումը։ Որովհետեւ մենք այնտեղ անելիք չունենք»,- ասել է քաղաքական գործիչը։
