Միլանում ստեղծվեց «Իտալիայի և Հայաստանի միջև համագործակցության և զարգացման կենտրոն»
Հայ Գործարարների Ասոցիացիայի՝ դեպի Իտալիա բիզնես այցի շրջանակներում փետրվարի 7-ին Միլանում ստեղծվեց «Իտալիայի և Հայաստանի միջև համագործակցության և զարգացման կենտրոն» (CENTER FOR COOPERATION AND DEVELOPMENT BETWEEN ITALY AND ARMENIA) ասոցիացիան: Հայտնում են ասոցիացիայից:
Կառույցը հիմնադրվել է Իտալիայի Հանրապետության օրենսդրության պահանջներին համապատասխան՝ նպատակ ունենալով հետագայում վերակազմավորվել որպես «Իտալա-Հայկական առևտրի պալատ» և դրա ներկայացուցչությունը գրանցել Հայաստանում։
Հիմնադիրներն են «General Invest»-ի դիտորդական խորհրդի անդամ՝ պարոն Ֆերդինանդո Պելացոն (Ferdinando Pelazzo, Իտալիա) և «Տաշիր» ընկերությունների խմբի առաջին փոխնախագահ՝ պարոն Նարեկ Կարապետյանը, ինչպես նաև այլ ինստիտուցիոնալ միավորներ և մասնավոր անձինք։
Առևտրային պալատի կարգավիճակ ստանալուց հետո ձեռնարկությունների պաշտոնական ռեգիստրը հասանելի կլինի կազմակերպության համար:
