Վրաստանով Ռուսաստան պայթուցիկ նյութերի տեղափոխմանը մասնակցել է Հայաստանի քաղաքացի
Ահաբեկչություններ իրականացնելու համար Օդեսայից Վորոնեժ ուղևորվող պայթուցիկ նյութերի բեռ են ձերբակալել Վրաստանում։ ՏԱՍՍ լրատվական ծառայության փոխանցմամբ՝ հաղորդել է Վրաստանի պետական անվտանգության ծառայությունը։
Վրաստանի տարածքով Ռուսաստան պայթուցիկ նյութերի տեղափոխմանը մասնակցել են Վրաստանի, Ուկրաինայի և Հայաստանի քաղաքացիներ, գործընթացը կազմակերպել է Ուկրաինան, հաղորդում է հետախուզական ծառայությունը։
Գործակալությունը չի բացառում, որ պայթուցիկ նյութերի տեղափոխման կազմակերպիչները ծրագրել են ահաբեկչություններ իրականացնել նաև Վրաստանում։
Վրաստանից Ռուսաստանի Դաշնություն պայթուցիկ նյութերի տեղափոխումը կազմակերպել է Ուկրաինայի քաղաքացի, Զելենսկու՝ «Ժողովրդի ծառա» կուսակցության պատգամավոր Անդրեյ Շարաշիձեն, որը ծնունդով Բաթումից, նշվում է Վրաստանի Պետական անվտանգության ծառայության զեկույցում։
Ըստ պաշտոնական տեղեկության, պայթուցիկները Վրաստան են առաքվել Ուկրաինայից Ռումինիայի, Բուլղարիայի և Թուրքիայի տարածքով, իսկ Վրաստան են հասել հունվարի 19-ին։
