Ադրբեջանի ԱԳՆ խոսնակը Ֆրանսիայի մշակույթի նախարարի հայտարարություննեը «սադրիչ» է անվանել
Ադրբեջանի արտաքին գերատեսչության մամլո խոսնակ Այխան Հաջիզադեն արձագանքել է Ֆրանսիայի մշակույթի նախարար Ռիմա Աբդուլ Մալակի՝ Հայաստանում հնչեցրած հայտարարություններին, որ Ֆրանսիան ԼՂ-ում մշակութային ժառանգության արբանյակային լուսանկարների տվյալներով բազա է ձեռք բերել և արձանագրել, որ նմուշներն աղավաղված վիճակում են։
«Մենք հորդորում ենք Ռիմա Աբդուլ Մալակին զերծ մնալ սադրիչ հայտարարություններից. Ադրբեջանի մշակութային ժառանգությունը, անկախ նրա ծագումից՝ լինի աշխարհիկ, թե կրոնական, արտացոլում է Ադրբեջանի ժողովրդի մշակութային բազմազանությունը, որը մենք գնահատում և պաշտպանում ենք»,-հայտարարել է նա։
