Ժամը 20:00–ի դրությամբ Արցախից 28 120 մարդ է մուտք գործել Հայաստան

Սեպտեմբերի 26-ի ժամը 20:00–ի դրությամբ Լեռնային Ղարաբաղից բռնի տեղահանված 28 120 անձ է մուտք գործել Հայաստան: Տեղեկությունը հայտնում է ՀՀ կառավարությունը։

«Նրանցից 20 800-ի վերաբերյալ հաշվառման տվյալներն ամփոփված են, իսկ 7 320-ի կարիքների գնահատումը նույնականացման փուլում է: Բոլոր նրանց, ովքեր չունեն կեցության նախապես որոշված վայր, կառավարությունն ապահովում է համապատասխան կեցավայրով»,– ասված է հաղորդագրությունում:

Աջակցության կարիքների նպատակով հաշվառումը շարունակվում է: 3 253 մարդ ապահովվել է կացարանով`1 305 անձ` Սյունիքում, 700-ը` Վայոց Ձորում, 833-ը` Գեղարքունիքում, 268-ը` Տավուշում, 147-ը` Արմավիրում։