Ադրբեջանը կդիմի ՈՒԵՖԱ՝ Հայաստան-Խորվաթիա խաղի ընթացքում Արցախի դրոշը բարձրացնելու կապակցությամբ

Ադրբեջանի ֆուտբոլի ֆեդերացիայի ասոցիացիան կդիմի ՈՒԵՖԱ՝ Եվրո-24 ընտրական փուլում Հայաստան-Խորվաթիա խաղի ժամանակ «հայերի սադրանքի» կապակցությամբ։ Ադրբեջանական լրատվամիջոցների փոխանցմամբ, այս մասին ասել է ֆուտբոլի ֆեդերացիայի մամուլի ծառայության պետ Էլնուր Մամեդլին։

Հիշեցնենք, որ նախօրեին Երևանի Վազգեն Սարգսյանի անվան «Հանրապետական» մարզադաշտում ՈՒԵՖԱ Եվրոպայի 2024 թվականի առաջնության որակավորման խմբային փուլի Հայաստան – Խորվաթիա հանդիպման  (խաղն ավարտվեց 0։1, հօգուտ Խորվաթիայի) առաջին խաղակեսի վերջին րոպեներին դաշտի վրա դրոնի օգնությամբ սավառնեց Արցախի դրոշը։ Խաղն ընդհատվեց։ Իսկ հանդիսատեսը երկար ժամանակ վանկարկում էր՝ Արցախ, Արցախ։